صفحاتي المبعثرة 1 | |
أميرتي
01:36 ص, 01/20/2008
.. نشرت في خواطري من بوح قلمي
.. صفحات مبعثرة
أميـــــــــــــــــــــــــــــــــــــــــــــــ ـــرتي
تحية احترام وتقدير
02:36 ص, 01/14/2008
.. نشرت في خواطري من بوح قلمي
.. 1 بصمات الزائر
.. 0 بصمات الضيف
.. صفحات مبعثرة
تحية احترام وتقدير
لمن فاق شكسبير في فلسفة صمته بإبداع كبير تحية احترام وتقدير لكل اللي مر من دروب الواقع هايم في فخ الأحلام واقع رجليه في الأرض ودماغه في السما ضايع لا هو طايل السما ولا بحور الهنا للي قطع بحور الأوهام ورجع عطشان وجيعان للي ودع أصحابه وقرايبه واختار الوحدة رفيقة دربه لكل اللي مر مرور الكرام عن لوحات الحياة غافل لاقدر يستمتع بالجمال ولا حتى استنكار دناءتها طايل ودايــــر حايــــر يتكلــــم والا يسكــت يظلــــم والا ينظلـــــم يحكــــم والا ينحكــــــم تحية احترام وتقدير وانحناءة اعجاب كبير بانسان كان انسان طلب الوحدة والصمت بس قلمه عنه نزف ورسم باحتراف رقص ع الورق كل ما شتد الارق لحن كلام انحبس ع الشفايف وتألم وتنهد وعن صاحبه ثار وحار عجبي على انسان بالوحدة موهوم وبالاحزان مغروم عجبي على انسان عاجز قدام قلم انسان صامت قدام دموع إنسان سالت من غدر الأيام لا شيء يستحق
02:28 ص, 01/14/2008
.. نشرت في خواطري من بوح قلمي
.. 1 بصمات الزائر
.. 0 بصمات الضيف
.. صفحات مبعثرة
بعد صمت دام طويلا
..أطول مما يمكن احتماله لم تنبس شفتاها إلا بكلمة واحدة لا شيء يستحق لا شيء يستحق .. هكذا إذن ..لا شيء يستحق؟ لا شيء يستحق ذرف دمعة واحدة ..دمعة تمحي غصة في الحلق وتطهر جرحا حفر غورا داميا أجل بالفعل لا شيء يستحق ...تعيدها على أسماعي تعيدها لتزيد آلامي هكذا إذن لم نكن سوى ممثلين على خشبة مسرح الحياة نلعب أدوارا سخيفة والآن وقد حان وقت توديع الجمهور وسيعود كل منا إلى حياته هكذا إذن من السهل إتقان الدور ..بل والأسهل منه الخروج من الشخصيات وانتهاء الرحلة انتهت أحداثها بضحكاتها بأحزانها بمواقفها بتضامنها، بهدوءها كانت رحلة وكفى بمجرد نزول الستار على المسرح والنزول على أرض الواقع، واقع الأخوة المزيفة لا شيء يستحق حتى النظر إلى الخلف ..كانت تلك شعارات ، مجرد شعارات ،أمام أضواء الكاميرا ، كلمات رنانة كتبت خصيصا للسيناريو وكتبت بماء ..مجرد قطرات ماء لا تكاد تهب نسمة خفيفة من نسمات الريح حتى تتسرب كل المعاني النقية والتي كنا نحسبها راقية.. أجل لا شيء يستحق .. مادمنا سنجد فضاءات رحبة تنسينا كل معالم فضاءاتنا المعتادة هل أصداء العالم الفسيح تبهر الاعين لتظهر عالمنا في غاية الضيق؟ وتبرز مساوئ كانت سابقا أحلى من العسل إذا أصبح كل شيء سيان فالأفضل أن تطمس جميع المعالم القديمة وتبحث عن قيم جديدة ومبادئ جديدة بل ابحث عنك بداخلك .. لأنه وبكل بساطة: لا شيء يستحق لا شيء يستحق دمعة تذرفها ولو في غفلة منك لأن الاستهتار .. لأن اللامبالاة ... لأن تجاهل مشاعر الناس ... لأن الآخر ...وبكل بساطة لا وجود له.. لأن من أخطأ في حقك.. لأن من أخطأ في تقدير حسن نيتك و أدرجها تحت مسمى آخر ..لأن من يتعمد إشعارك بالذنب على خطأ ... ارتكب سهوا. ..لا يستحق بكل بساطة حتى التفاتة لفهم ما يحدث فلتعش إذن عالمك الصغير ولتضيقه عليك قدر الاستطاعة ولا ترى بعد ذلك ما بجانبك غير صور ..ولا تبحث عن أحاسيس الآخر ولا تهتم بآلام الآخر لأنه . ...وبكل بساطة. ...لاشيء يستحق  همســـــة
نحن أناس لا ندرك قيمة الأشياء إلا بعد أن نفقدها وافتقادنا لها يجعلنا نضيع بين ما أحببنا وبين ما يجب فعله لكن كل شيء في هذه الدنيا يستحق الطفل يستحق نظرة العطف المحروم يستحق الحنان الفقير يستحق مد يد العون ... ونحن نستحق أن نرتشف من بحار الحياة ما ينفعنا والحياة تستحق منا أن نتشبت بجميلها ما استطعنا أحلام ... كثيرا ما أجد نفسي على هذا الشاطئ أحادي أمواج البحر في المسير أجلس على صخرة تعبت مقابلة البحر
أثقل كاهلها بهواجسي اللا منتهية
أحلم أن الشمس ساطعة
وأن نورها لا يخبو
أحلم أن الطيور على الشط لابثة
وأنها عن بيوتها غير راحلة
أحلم أن الشاطئ يعج بالرفقة
وأن لا أحد يفكر في الرحيل عن هاهنا
أستفيق على صوت الأمواج الهادرة
على شمس شرعت في الغروب
على طيور بدأت بالهجرة
على الجزر بعد المد
كل شيء راحل
كل شيء يحنو للسفر
أحمل نفسي بأثقالها
أفرغها بين جنبات البحر الواسع
فأنا أيضا راحلة
...
...
لكن للغذ شاطئ
وللشمس شروق
وللطيور هجرة
والناس قوافل تذهب وتعود
..... أودع الصخرة وأستسمحها ثقل ما حملتها من عناء لما تكون إنسان
01:21 ص, 01/14/2008
.. نشرت في خواطري من بوح قلمي
.. 1 بصمات الزائر
.. 0 بصمات الضيف
.. صفحات مبعثرة
لما تكون إنسان
 لما تكون إنسان
وتكون مفتقد الأمان لأنك مش لاقي الحنان لما تكون إنسان وتفارق إنسان لازم حتلاقي إنسان  لما تكون إنسان واللي جنبك بيحبك بس إنت مش شايف غير اللي بيغشك تكون البسمة ع الشفايف تفتكرها بتخدعك لما تكون إنسان يمكن تكون ظالم ويمكن تكون مظلوم وليه لأ يمكن تكون مظلوم ويتولد فيك الظالم في يوم لما تكون إنسان إنسى اللي كان وفكر في اللي باقي من الزمان لما تكون إنسان لازم تفكر إن الرحمن رحمنا بالنسيان ولازم حتقرر تنسى بس كل محتفكر تنسى حتلاقى نفسك بتفكر أكثر وأكثر وحتلاقي ذكرياتك دايما وراك والزمن سابك والناس راحت بلاك وهمك يزيد وحتلاقي نفسك خسران يا إنسان خسران نفسك وكل اللي حواليك حتلاقي نفسك وحدك لا انت اتكلمت ولا حتى سكتت لما تكون إنسان لازم يجور عليك الزمان ولازم حتكون يوم طهقان ويوم فرحان ويوم حتقرر تشيله من خبر كان لأنك ساعتها مش حتكون غير إنسان جار عليه الزمان بس يمكن كمان فاقد الشيء اللي افتقد أشياء يلاقي الأمان في يوم من الأيام جنبه وعند إنسان ومن غير ماكان يعلم ولما يكون دماغك بيفكر ويحاول يصلح ويقرر لازم حتكون إنسان يا إنسان لما تكون إنسان وتلاقي نفسك وحيد وأوهام الدنيا بتزيد وأحلامك ما راح تفيد لأن عمر النوم ليلة.. وينطفي الحلم ودموعك مهما فارت غصبن عنك أو برضاك حتسعدك وتخفف عنك لما تكون إنسان وعلى دروب الحياة ساير ومن أسرارها حاير ومن دروسها طهقان حتحاول تزوغ في كل آن بس إنت مجبر لكل الدروس تحضر وتنكسر وتتعلم تقوم ولازم للريح توطي عشان تتقدم ويوم تسكت عشان بكرة تتكلم ويوم تضحك والضحكة تملا العين ويوم تملاك الاحزان وتتألم لما تكون إنسان حتعيش بهذا الزمان جوال في بستان بين ورود ودبابير وبين أشواك الزهور حتشوف فراشة على نياتها تنجذب للنور اللي يحرقها حتلاقي الحرباية تتلون فكل يوم بلون بس في يوم ثاني حتلاقي حمام زاجل داير بين البلدان حامل مرسال للحب .. للأمان بس يمكن كمان للحرب ..للدمار ولأنك إنسان ما حتكون إلا حساس لدمعة نازلة ع خد مهموم وتنهيدة إنسان مظلوم وحتعرف إن لمسة حنان من إيديك بلسم لجروح مكلوم ويمكن ابتسامة مرسومة على وشك حتمسح الحرمان اللي طبعه الزمان ع الوشوش اللي حواليك وما راح يكون لك قلب تسكت مع الساكتين ولا تنظلم مع المظلومين ولا حتى تفكر إنت مين لأنك حتكون إنت وخلاص وحتحارب عشانك بإخلاص لأنك حتكون إنسان وتتغلب على إنسان لما تكون إنسان لازم يكون جواك اثنين فيك الطيب وفيك الحقير فيك الغني وفيك الفقير لأن الدنيا وشين وش الأمان والوش الغدار هو صحيح غلاب بس لما تكون إنسان حتتأكد إن الطيبة قوة والحقارة ضعف إن الصدق غنى والخداع فقر ساعتها حتشوف وش الصدق والطيبة جذاب ولأنك إنسان ماراح ترض بالسعادة الأبدية وحتفتش ع الأحزان في كل الأركان وحتبعد بزمنك وتنشئ قلاعك وتفكر إنك مظلوم من كل الناس وتعشق صمتك يا إنسان ولما تكون إنسان صامت وهادي وحيد وبعيد لازم نحترم إنك إنسان لما تكون إنسان وقلمك بإيدك على الورق يترقص على فكرة ونص وكلامك فارس..يصول ويجول بس في كل يوم يخونك ولما تكون إنسان واللي تحبه قدامك قريب منك بس حبه ليك وهم ساكن بخيالك أي كلمة ،بسمة منه توديك ولا تجيبك ومن حلاوة الأحلام خايف تفوق ومن مرار الواقع عايز تذوق لما تكون إنسان وتشوف مرة صورتك على صفحة ميا، تشاورلك تقولك.. أنا إنت أكيد أنا صوتك بالتأكيد أنا إنت مهما تزيد وتعيد أنا المحتار أنا المكار أنا القاضي الجاير أنا السجان أنا الجاني أنا التعبان أنا اللي عايز أنسى النسيان أنا اللي من نفسه خيفان أنا القاضي اللي حكم بالظلم والطغيان أنا اللي ساب الحنان وبنى لنفسه قلعة أوهام وأحزان أنا اللي طفا النور وعاش ويا الظلام أنا اللي دلق كل الألوان ولاقى في الإسود أمان أنا اللي ساب الشروق وميلاد يوم وقعد يبكي أطلال الغروب طول اليوم أنا الإنسان اللي اتفرج على ظلمه ونصب محكمته أنا اللي عاتب نفسه أنا ..... إنت إنت الصامت اللي ساب برجه اللي قلمه قربه من نفسه إنت الصامت اللي هجر كربه أنا ....إنت اللي خايف من قربه ليها اللي تعب من صمته اللي جرة قلمه حكمت عليه بكلامه إنت أنا اللي حضر زنزانة حديد عشان همه مايزيد إنت.... أنا اللي سكت يوم عشان بكرة يتكلم إنت .....أنا اللي حضن الأمل بإيديه الاثنين وتأمل إنت ..أنا اللي برجه هدم وتطلع لقدام وبقلمه حكم على صمته بالإعدام اللي دمعه غسل روحه واللي طيب خاطر قلبه بنسمة بلمسة بهمسة ذوبت الأشجان أنا إنت وإنت أنا ومش عايز أعرف إنت مين ولا جيت منين إنت اللي رقص القلم ع المسرح من غير ما يعلم إنت اللي لون الورق بلون الفرح وبنزيفه.. الألم ..انهزم إنت اللي عزف أعذب ألحان بطبول الواقع والأشجان إنت اللي صحى إنسان على ملحمة الانتماء والولاء أنا إنت .. .. وإنت الإنسان **** *** ** *  لما تكون إنسان حتتمسكن لغاية متتمكن وتعمل نفسك حزين مهموم..غلبان وتلبس لبس أراجوز وكل شيء عندك يجوز دمعتين ع الخد وكلمتين ع القد لأ وإيه طعنة في القلب ونزيـــــــــــــــــــــــف وتروح لطبيب تلاقيه سكران والممرضة تدمع دمعتين تحاول تنقذك من الداء والمسكينة مش عارفة الدواء مش عارفة إنك مــــمثل مش عارفة إنك نصــــــاب وبإيديها تفتح الجرح وجرح قلبك تطهره وتعمللك نقل دم وإنت مش عندك دم يا نصاب تنصب عليها وتسرقها منها لأ وإيه عامل نفسك إنسان غلبان هلكان ومن الفرحة طاير يا غلباوي وبنص لسان تتكلم زي البغبغان وحاكم على نفسك وعليها بزنزانة ذهب تتكسر وقت متعوز يا أراجوز كلمت عينيها من غير ما تكلمك وبتحلم وواخذ معاك ايديها في ايديك وداخل بأحلامك لقصورها وطاير وهايم يا إنسان يا مسكين ياحالم بس هو انت سألتها؟؟؟ واللا إنت لسه صامت بتحلم تتكلم ومش قادر تتعلم تمشي ع الفرحة خطوة خطوة ولا قادر تفهم إن الأحلام انطفت خلاص بلاش تحسب نفسك فهلوي وروح للسعادة برجليك وفاتح عينيك وبلاش تعمل غلباوي وقولها إنك حبيتها يا إنسان يا غلبان لما تشوفها كلمها وارحم عينيها من صمتك الدايم وأمانة عليك سلملي عليها **************** تحية إحترام لإنسان
مكنش غير إنسان ظالم واللا مظلوم هو إنسان يمكن يكون جار عليه الزمان وهو موجود وبيدور ع الأمان
******* *******إهــــــ إلى إنسان ــــــداء
{ بعثرة سابقة } { صفحات مبعثرة من 1 الى 7 } { بعثرة موالية } |
من أكون ؟؟ بطاقة سمارة 23 أدراج الصفحات أخبار الاصدقاء مكتبة الصور المذكرةسمريات ..منتداي الخاصصفحات مبعثرة المرحلة 2 مجلة قلوب تسعى للجنة منتديات خفايا الروح منتديات وينتر ملتقى الادباء والمبدعين العرب منتدى السراب على الرفوفمحراب صمت صارخforeign language خواطري من بوح قلمي آخر الصفحاتأميرتيتحية احترام وتقدير لا شيء يستحق أحلام ... لما تكون إنسان أصدقاء المدونةmolhematynaima amanysm9498 mahmoud3 ryan STARbright romancivo mnn ahmedshawky abdullahOZ aboamin hosssam ryan2 traveller2u 911 shartie7868 ehsasy desert slider Besan hatem959 marmar dawayer DejaVu matbakhmaroc alicrash rannanjeddah taha waelabosalah samtelaswat هوامش• اكتب كوم
|
